مقارنة بين السورية (الشامية) والاردنية...

أوقاتكم سعيدة دائما ...



اذا وقع زوجها عن الدرج

السوريه: ولي على آمتي، سلامتك حبيبي إن شاء الله انا ولاانتا ابن عمي

ميته خوف عليه

الاردنية: شو مالك.. دخت؟ مهو الله ما برمي الناس بحجار، خطيتى... الله لا يردك يالبعيد

بتستناه يموت علشان تورث



اذا الزوج بدو يسافر:

السوريه: دير بالك على حالك ابن عمي، جهزتلك الشنته، والله يكتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، ان شاءالله تطلع على أبري، تروح وترجع بألف سلامه.

غصب عنه رح يرجع بالسلامة

الاردنية: اسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك هآ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح

هوايه النكد عندها تحولت للإحتراف



إذا الزوج تأخر بره فى شغل او مع صديق:

السورية : شو إبن عمي ! غلي ألبي عليك تؤبرني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا

والله يؤبرني دلع الشام

الاردنية: شرّفت؟!! وين لهسا؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ شو جبتلنا معك، ها ؟وللا جاي إيد من ورا وإيد من قدام، كويس إللي عرفتلك دار وانظبيت

لا تعليق



إذا طلبت شى منه :

السورية: إبن عمي تؤبرني تؤبر ألبي ( كله تؤبر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

كله تؤبر

الاردنية: ولك إغلطلك مرة وجيبلك شغله حلوة معك، بقلاوة وللا كنافة يا زلمة، خليني أحلي ثمّي إللي مرّر من هالعيشة إللي بتقلعط!

هاي طخها حلال

إذا جابلها هدية

السورية: يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد، تؤبشني بتجنننننننننن، الله لايحرمنى منك يا عمري

والله اللي زيك بيعئد

الاردنية: إه، والله غاب وجاب، طلّو حبابنا طلّو! ولك من وين جايبها هاي؟ وقديش حقها؟ الله يقطع هيك ذوق، والله لو جبتلنا طبخة للدار أحسنلك

حسبي الله ونعم الوكيل

اذا بدك شي منها

السورية: من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بحب سماك انا دخيلو انا شو بحبووو على راسى حبيب ألبي

بس ما بدي اشي

الاردنية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عني روح شوفلك شغله سويها، فقعت مرارتى من شغل البيت اففففف اففففف

عن جد ما بدي اشي

.لو طلبت منها فنجان قهوة

السورية: من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي

تخيل فنجان القهوة بس

الاردنية :بدك قهوة؟ هي اخوانك مرميين فى الحوش روح اشرب معهم، وللا أقلك روح عند امك بتعملك، أترك شغلي وأعملك قهوة؟؟ هاظ اللى ناقص، ياااا رب موتني وخلصني من هالعيشة اللى بتقرف

كل هادا علشان فنجان قهوة ريتو سم ياشيخة




اذا حكالها (بدك شي؟) وهو طالع

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ (

بتكون غبى لو طلعت وتركتها

الاردنية: لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ ان شالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.

بتكون غبى لو ما طلعت وتركتها

الذوق والتنويع فى الاكل:

السورية :سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي

ما إلك نفس تشبع

الاردنية: لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل. طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره. وأهم إشي: بس تخلّص أكل ودّيني عند اهلي، طلعت روحي طول اليوم فى المطبخ

يعني عاملة الغنايم ماشالله... خليها تروح يمكن تنفتح نفسك.

أحلى صباح!!

السورية: حبيبي، يسعدلي هالصباح، أووم حبيبي صارت الساعدة 6 يا بعدي... أهوتك جاهزة تشربها بالهنا

لا تقوم عشان تاخذ كمان جرعة من هالحكي

الاردنية:

يا زلمة أي قوم عاد قرفتني صارللي ساعة بصحي فيك، والله لونك متعشي حمار مش هيك!!

قوم عشان ما تاخذ كمان جرعة من هالحكي

حمام الهنا

السورية: أوم حبيبي عشان تتحمم. حمامك جاهز ودفيتلك اياه، (وبس يخلص الحمام)، إي تسلملي هالطلة يا تاج راسي، ريتو حمام الهنا والسعد، تؤول ملاك مقابلني... تطلع على قبري يا حءءءء

بتحس قلبك كمان اتحمم

الاردنية :يا زلمة قوم اتحمم عاد، بكفي، خنقتنا بريحتك، سخنتلك شوية مي إرميهن على بوزك. (وبس يخلص القلعاط)، خلصت؟ والله ماهو مبين على بوزك الحمام، وبعدين لويش كل هالوقت جوة! طيب لا تنسى تشطف المي من وراك

ريتني أموت اذا بتحمم مرة ثانية..




مع احترامي و ودي للجميع ...

Hanan كتب:

ههههههههههههههههههههههههههههههههههه

حرام عليك عدنان

ههههههههههههههه

و اولا المكان الانسب للموضوع ،،بقسم المرح مكان الموضوع

و ثانياااااااا

دخلك من وين جبت الموضووووووووووووووووووع ؟؟؟؟؟؟

و ثالثاااا

لشوووووو كل ها الهجوووووووم على الاردنية ..

اظن و الله اعلم .. بيكون العكس صحيح

اللي ما يطول العنب حامض عنه يقول .......

ههههههههه
شكراا و دمت بسعادة ابدية




.

هلا حنان


من وين جبته .. من هالنت

و الموضوع مجرد تغير جو او الروتين

و ما بظن نحوله للنقاش

و انت عارفة كيف نطول العنب و حتى الرمان ولا اذكرك

هههههههههههههه

شكرا ...

تؤبرني مسيو عدنان
ويبعتلك عروس اردنيه تاخذ بتارنا منك

شكرا

كفى كتب:

تؤبرني مسيو عدنان
ويبعتلك عروس اردنيه تاخذ بتارنا منك

شكرا

يا ريت بس كنت حاطط عيني عليك وما برضى بغيرك

بس هالشي مستحيل

يا سكر انت

شكرا كفى ...

وصلت متاخر عدنانو
شو اعمل بحالي


تسلم يا حلو الف وحده بتتمناك

راشد الكاسر كتب:

---

أحسنت وأبدعت أخى

سلمت يداك

دمت بكل خير

هههههههههههههههههههههه

شو احسنت وزابدعت راشد
لك عم يحكي علينا
ولي
ما صدقت

كفى كتب:

وصلت متاخر عدنانو
شو اعمل بحالي


تسلم يا حلو الف وحده بتتمناك

ديري بالك ما تعملي شي بحالك


ربي يسلمك و يسعدك ...

ههههههههه حلوة منك

ربى يسعدك عدنان....

دائما فى انتظار جديدكـ

راشد الكاسر كتب:

---

أحسنت وأبدعت أخى

سلمت يداك

دمت بكل خير

سلمت من كل شر


شكر ا...

أتمنى من الجميع أن لا يحولوا الموضوع الى طرق مغايرة


الموضوع كتير بسيط و ربما فيه أفادة مبطنة

فمن يريدها فل يرى الجانب المضيء و الايجابي

شكرا ...

تؤبرني تؤبر إبن عمي عدنانووو
تسلملي زوء السوري انا
سلمت الايادي يا حبيب البي
تطالع عئبري يا عدنان بهالحكي

كفى كتب:

راشد الكاسر كتب:

---

أحسنت وأبدعت أخى

سلمت يداك

دمت بكل خير

هههههههههههههههههههههه

شو احسنت وزابدعت راشد
لك عم يحكي علينا
ولي
ما صدقت

كفى شو بدك بالزلمة

ممنوع تأخدي العملاء مني

ههههههههههههه


شكرا ...

ههههههههههههههههههاي

حلوة بس مو هيك يا زلمة حرام عليك

ضلمتهم كل هالبنات الاردنيات هون ولا وحدة معبية عينك

اي هيك الحكي ها

هههههههههههه

يسلمووو دياتك ويعطيك الف عافية

Hanan كتب:

AdnanAllaame كتب:

Hanan كتب:

ههههههههههههههههههههههههههههههههههه

حرام عليك عدنان

ههههههههههههههه

و اولا المكان الانسب للموضوع ،،بقسم المرح مكان الموضوع

و ثانياااااااا

دخلك من وين جبت الموضووووووووووووووووووع ؟؟؟؟؟؟

و ثالثاااا

لشوووووو كل ها الهجوووووووم على الاردنية ..

اظن و الله اعلم .. بيكون العكس صحيح

اللي ما يطول العنب حامض عنه يقول .......

ههههههههه
شكراا و دمت بسعادة ابدية




.

هلا حنان


من وين جبته .. من هالنت

و الموضوع مجرد تغير جو او الروتين

و ما بظن نحوله للنقاش

و انت عارفة كيف نطول العنب و حتى الرمان ولا اذكرك

هههههههههههههه

شكرا ...

كيف ما تحول الموضوع للنقاش !!!!!!!

منور عدنان

و مين بينسى قصص عدنان الروعة
اعز اخ و اغلى صديق

ربي يسعد قلبك بالشامية المحظوظة يارب

دمت بكل الخير

و اعز ان شاء الله

بس اذا حلبية أحسن

هههههههههههه

شكرا حنان ...

فلسطينيه كتب:

ههههههههه حلوة منك

ربى يسعدك عدنان....

دائما فى انتظار جديدكـ

الله يحلي أيامك و يسعدك

و حروفي دائما بانتظارك


شكرا فلسطينيه ...

HAMSALHB كتب:

ههههههههههههه

هلا هيك عدنان هاي اخرتها معك

وما بدك عصا على راسك ما هيك

[ندعوك للتسجيل في المنتدى أو التعريف بنفسك لمعاينة هذه الصورة]

الله لا يوقعك بايد الستات لا اردنيه ولا اردنيه

رح يكسروك تكسير

ههههههههههه

شكرا عدنان لخفة ظلك رح انقله للمقهى

اذا ما كان مطلوب على ذمة المكرر

شفتي بدل ما تقولي لك تؤبرني

ال عص ال


ههههههههههههه

شكرا همس ...

ههههههههههههههههههههههههه
الموضوع حلوووو
واكيد كلوووو مزح

DARIN كتب:

تؤبرني تؤبر إبن عمي عدنانووو
تسلملي زوء السوري انا
سلمت الايادي يا حبيب البي
تطالع عئبري يا عدنان بهالحكي

اهلا دارين

ربي يسعدك و يسلمك


شكرا ...