منتدى اسرة القلم
[الفرق بين الاردنية والسورية.. File1770104685


اهلا بك زائرنا الكريم
تفضل بالانضمام لاسرتنا بالضغط على كلمه سجل
اهلا وسهلا بكم نورتونا
تمنى لك المتعه والفائده معنا

منتدى اسرة القلم

كل ما يجود فيه الخاطر من همس وحب ومشاعر وابداع تميز بلا حدود ...
 
الرئيسيةالبوابة*التسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» البلاغة
الفرق بين الاردنية والسورية.. 6WmH4hالأربعاء ديسمبر 04, 2019 3:51 pm من طرف محمد الطيب

» في الطريق
الفرق بين الاردنية والسورية.. 6WmH4hالأحد نوفمبر 17, 2019 3:53 pm من طرف محمد الطيب

»  ازدواج الشخصية
الفرق بين الاردنية والسورية.. 6WmH4hالأحد سبتمبر 08, 2019 2:56 pm من طرف محمد الطيب

» الحديث الضعيف والموضوع
الفرق بين الاردنية والسورية.. 6WmH4hالسبت أغسطس 17, 2019 2:29 pm من طرف محمد الطيب

» الحرمان
الفرق بين الاردنية والسورية.. 6WmH4hالسبت أغسطس 03, 2019 12:31 pm من طرف محمد الطيب

» الحرمان
الفرق بين الاردنية والسورية.. 6WmH4hالسبت أغسطس 03, 2019 12:29 pm من طرف محمد الطيب

» الحديث الحسن
الفرق بين الاردنية والسورية.. 6WmH4hالإثنين يوليو 08, 2019 2:16 am من طرف محمد الطيب

» أقسام الحديث الصحيح
الفرق بين الاردنية والسورية.. 6WmH4hالإثنين يوليو 08, 2019 2:05 am من طرف محمد الطيب

» البسمة
الفرق بين الاردنية والسورية.. 6WmH4hالإثنين يوليو 08, 2019 2:03 am من طرف محمد الطيب

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
احداث منتدى مجاني
FaceBooke
أفضل 10 أعضاء في هذا الأسبوع
أفضل 10 أعضاء في هذا الشهر
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 226 بتاريخ الأحد ديسمبر 29, 2019 12:55 pm

شاطر
 

 الفرق بين الاردنية والسورية..

اذهب الى الأسفل 
كاتب الموضوعرسالة
راشد الكاسر
مدير العلاقات العامة
مدير العلاقات العامة
راشد الكاسر

ذكر الثور الثور
المشاركات : 19882
نقاط المساهمات : 30950
الشعبيه : 51
تاريخ التسجيل : 27/02/2010
العمر : 46

الفرق بين الاردنية والسورية.. Empty
مُساهمةموضوع: الفرق بين الاردنية والسورية..   الفرق بين الاردنية والسورية.. 6WmH4hالخميس ديسمبر 24, 2015 12:19 pm

لفرق بين الاردنية والسورية..................

اذا وقع زوجها عن الدرج:

السوريه : ولي على آمتي، سلامتك حبيبي أنشاء الله ، انا ولا انتا ابن
عمي ( ميته خوف عليه)

الاردنية : شو مالك دخت ؟ الله ما برمي الناس بحجار خطيتى الله لا
يردك ( بتستناه يموت علشان تورث)

اذا الزوج بدو يسافر:

السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

الاردنية :أسبوع مبوزة قبل السفر، وكل شوي دموع، ومتى بدك تروح؟
ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد)

إذا الزوج تأخر بره فى شغل او مع صديق:

السورية : شو إبن عمي ! غلي ألبي عليك تؤبشني يا حءء وكثير شغلتلي
بالي، تؤبرني ما تتأخر عليي كثير مره تانيه عشان بشتائلك أنا ( يؤبرني
دلع الشام)

الاردنية: شرّفت !! وين كاين؟ مهو أنا كاينه حيوانه في الدار، طول
نهاري أكنس و أمسح !! مع مين من أصحابك الهمل كاين تتصرمح ؟ إيش
جبتلنا معاك ؟وللا جاي إيد قدام وإيد ورا، كويس عرفت إلك دار وروحت (
لا تعليق)

إذا طلبت شى منه :

السورية : إبن عمـــــــــي تؤبشني تؤبر ألبي ( كله تؤبــر) حبيب ألبي
فيك تجيبلنا شي حلو من دياتك الحلوة وعلى زوئك شو بعشق زوئك أنا
ياحياتي.

الاردنية : إغلط مرة وجيبلك شغله حلوة معك بقلاوة وللا كنافة بدي
أحلي ثمّي إللي مرّر من هالعيشة إللي بتقرف ( هاى طخها حلال )

إذا جابلها هدية :

السورية : يسلّملي إياك ابن عمي حبيب ألبي، يااااااي شو بتجنن عنجد
عنجد زوئك بيعئد تؤبشني بتجنننننننننن الله لايحرمنى منك يا عمري

الاردنية : والله غاب وجاب، وياما جاب الغراب لمه، من وين جايبها
وقديش حقها هاي، الله يقطع هيك ذوق مش لو جبتلنا طبخة للدار أحسن (
حسبي الله )

اذا بدك شي منها :

السورية : من عيونى ابن عمى تؤبرنى بتؤمر أمر ابن عمى ولووو غالى
والطلب رخيص، شو بعبد سماك انا دخيلو انا شو بحبووو على راسى حبيب ألبي

الاردنية : مهو حرام نستريح شوي، لازم حياتي تظل تعب ونكد، هو فش
غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.

لو طلبت منها فنجان قهوة :

السورية : من عيونى ابن عمى، أحلا فنجان بن من دياتى يستاهل تمك،
وبدياتى راح شربك كمان، تعبك راحة ابن عمي، ما في اغلا منك حبيب ألبي (تخيل فنجان القهوة بس )

الاردنية : بدك قهوة ؟ هي اخوانك مرميين فى الحوش روح اشرب معهم،
وللا أقلك روح عند امك بتعملك، أترك شغلي وأعملك قهوة؟؟ هادا اللى
ناقص، ياااا رب موتني وخلصني من هالعيشة اللى بتقرف ( كل هاظة علشان فنجان قهوة ريتو سم ياشيخة )

اذا حكالها (بدك شي؟) وهو طالع :

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها)

الاردنية : لأأأأ (مع تبويزه طولها شبرين)... بديش إشي، وين بدك
تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.

الذوق والتنويع فى الاكل:

السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

الاردنية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل. طبعا بوزها عالسفره شبرين، وبتبلش ضرب بالولد عشان كب الصحن، و حديثها. بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق.

__________________

الفرق بين الأردنية واللبنانية :



إمرأة أردنية زارت صديقتها اللبنانية، وبعد التحدث في شتـّى المجالات ،
تفاجأت الأردنية حين علمت من صديقتها اللبنانية أن زوجها لا يشكو أبدا ولا يتذمّر من شراء حاجيات المنزل
بل على العكس تماما ، فكل ما تريده تطلبه منه وهو يجلبه.

فقامت الاردنية واستفسرت من صديقتها اللبنانية عن سر ذلك ،
فقالت لها صديقتها اللبنانية ، أنظري كيف اكتب له الطلبات التي اريدها :

حبيبي ، بدي :

جبنة بيضاء مثل قلبك

قشطة يا قشـطة

سـُكـّر مثل دمك

طماطم مثل لون خدودك

شطة مثل مشاعرك

عسل يا عمري ..

زعفران مثل لون قلبك

صابون معطـّرة مثل ملمسك

شكولاته حلوة يا حلو

وقالت لها بعد ذلك جملتها التي تطبقها دائما في حياتها الزوجية " كـوني له امرأة يكن لك رجلاً ) ..

فانبهرت الأردنية من هذا الأسلوب الجميل وقررت أن تطبقه هي أيضاً على زوجها ،
وعندما عادت إلى منزلها ، قامت بكتابة الطلبات التالية لزوجها لكي يحضرها لها ، فكتبت :

حبيبي بدي :

بصل مثل ريحة حلقك

باتنجان مثل لونك

طماطم بلون عيونك

قرنبيط مثل شعرك

بطاطس مثل منخارك

ربطة جرجير مثل شنبك

ورق عنب مثل دانك

وثوم من ريحتك

مساحة بطولك

ولا تنسى قبل العيد تجيبلنا خروف ناصح مثلك!
ولا تتأخر.

وقد كانت آخر مرة تكتب طلبات المنزل لأنه طلـّقـها بالثلاثة
الرجوع الى أعلى الصفحة اذهب الى الأسفل
قمر الزمان
عضو ادارة
عضو ادارة
قمر الزمان

انثى العقرب الثعبان
المشاركات : 90436
نقاط المساهمات : 171317
الشعبيه : 290
تاريخ التسجيل : 29/11/2009
العمر : 42
الموقع : منتدى اسره القلم
العمل/الترفيه : بتثقف
المزاج : الحمدلله

الفرق بين الاردنية والسورية.. Empty
مُساهمةموضوع: رد: الفرق بين الاردنية والسورية..   الفرق بين الاردنية والسورية.. 6WmH4hالإثنين ديسمبر 28, 2015 5:53 pm

هههههههههههههههههههههههههههههه انكش براحتك
الرجوع الى أعلى الصفحة اذهب الى الأسفل
 
الفرق بين الاردنية والسورية..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اسرة القلم :: —¤÷([¤ اســــتــراحـــه تــرفـــيــهـيـــه ¤])÷¤— :: نكشات مخ مشعوطه-
انتقل الى: