كفى تحل ضيفتنا لهذا الاسبوع !!!

مساء الورد كفى

ما شاء الله منورة الكرسي

والشباب والصبايا مبسوطين ومو مقصرين

اسئلتي باختصار.....
اهلا وسهلا عدنان
كتير مبسوطه بوجودك وحضورك معي

فيما خص المنتدى... ما رايك بان الشللية داء المنتديات؟
عزيزي عدنان نحنا هون مجتمع صغير بدك تتفرج على اي مجتمع وتطبق عنا
مش معقول انا كعضوه اندمج مع كل الاعضاء يمكن الكل افضل مني ولاكن هي قصة انسجام
انا بحبك رح اجاملك
انت صار بيني وبينك تش معين رح اتحاشى الاحتكاك فيك
هذا يلي عم يصير وبيولد نوع من الشلليه بدون قصد
ان شالله بنتجاوز هالقصص

هل تشعرين بوجود محبة وترابط حقيقي ام انها لا تعدو كونها مجاملات تروح وتاتي حسب المزاج؟
ترابط ومحبه فيه واكيده جدا
وكمان في مجاملات متل ما قلتلك مش معقول تنسجم مع 1500 عضو وما تلاقي عضو تختلف معه
بتختلف معه بتضطر تجامله مجامله
بس في ترابط حقيقي وفي محبه
هل هنالك اياد خفية تعبث وتحاول التخريب في المنتدى مثلما هنالك جنود مجهولون يعملون بامانة وبصمت؟
جميله سؤالاتك عدنان
في اياد خفيه عم تشتغل بدون علم اي حدا وعم تقدم اكتر من اي حدا
الاداره فيها شغل كبير وقمر وعماد وسندريلا عم يتساعدو بحل كل شغل الاداره
بالنسبه للعبث
نحنا كلنا ابناء نت
واغلبنا كان مشارك بمنتديات سابقه
واكيد في منا مميزين ويمكن تضارب وجهات النظر بيننا وبين اصحاب المنتديات هلتنا نغادر على مضض منا ومنهم لهيك نحنا مو بحالنا وفي كتير ايادي عم تخرب
بس بالترابط والمحبه والحوار نحنا عم نتخطى كل هالاشياء يلي انا بعتبرها بلا طعمه
العبث والتخريب وكلها امور بتتلاشي امام حسن تصرفنا
ما هو الحد الفاصل لدى كفى بين الجد واللعب هنا او في عموم الحياة؟
انا سيده رزينه لابعد الحدود عندي بيت واطفال وقت اللعب ما بتعود تفرق بيني وبينهم
ووقت الجد بتحسني مارغريت تاتشر
انا بحب الحياة وما بحب الحزن ابدا
حساسه لابعد الحدود
ممكن اي سؤال تسألني اياه يثير مشاعري وابكي منه
حنونه جدا
حتى لو عم تشوفني بالمنتدى اجوائي لعب ومرح
بس انا بحب الجد وما بحب التلاعب بعطي كل شي حقه
دراستك الجامعية ومدى استفادتك منها على الصعيد العملي والمهني؟
انا عندي تخصص سكرتاريا وعم اشتغل سكرتيره وحاليا بلا مدير مديري تقاعد وحابه اغير لوظيفه اداريه
عندي تخصص فلسفة لاهوتيه ممكن اكون معلمة دين مسيحي بس ما بحب التدريس اصلا
حاولت اكون واشتغلت بس التعامل مع الشباب والبنات يلي بعمر المراهقه جدا صعب
لهيك ما كملت
دراسة اللاهوت جدا ممتعه وصعبه اذا تعمقنا فيها ممكن تقود للجنون صعبه لابعد الحدود لدرجة انه ايام الامتحان كان المطران يعطينا الاسئله 3 اسئله ولازم نجاوب 2 ومع ذلك ما كنا ننجح بسهوله
دراسة اللاهوت بتخليك تفهم الحياة صح
الحياة
الموت
الثواب
العقاب
الاديان
كل شي
جدا جميله بتمنى ارجع ادرسها من جديد

سؤالي الاخير ولك حرية الاجابة او الامتناع....

ماذا عن المسيحية في المشرق العربي كرسالة محبة وتعايش في ظل وجود صراعات طائفية ومذهبية ظاهرة او مستترة؟
عارف عدنان نحنا عم نسمع شعارات كتيره
تعايش رسالة سلام حوار اديان ومؤتمرات بهذا الخصوص
ولقاءات بس ما بعرف روح للعراق وشوف شو في ضغط على المسيحيه لدرجة انهم صارو يغادرو العراق
نحنا بالاردن كتير حالنا يمكن افضل من غيرنا
بس ما بنتعامل متل المسلمين حتى نحنا بنشعر بالفرق
مثال صغير جدا
* لما البنت المسلمه تحب شب مسيحي او العكس وتتزوجه شو ممكن يصير بالتعايش والحوار *
وين الحوار وين التعايش انا المثقفه اول المعارضين وانت كمان
لما انت مسيحي
حتى منصبك ما بتقدر تاخذه وانت بتكون اجدر واحد فيه
نحنا كافراد عاديين يمكن ما بنعاني متل اي شخص بدو يوصل
بس في دول كتيره عليها كتير ضغوطات
نحنا عزيزي اصحاب الدين الواحد بالدول العربيه ما عم نتفق
شيعه / سنه / حنفيين / مالكيين / كتير انشقاقات نفس الدين الواحد
كاثوليك / شهود يهوه / بروتنستانت / كتير والله كتير
واصحاب دين واحد وما عم نتفق او نتحاور
كيف اصحاب الاديان المختلفه

ان شالله هالشعارات بتجيب نتيجه والمساعي للحورا والتعايش بتثمر


ارجو ان لا اكون قد اثقلت
ههههههههههههههههههههههه
والله شكلي انا يلي تقلت عليك
بس سؤالتك بدها توضيح وانا اجبت على قد ما قدرت اختصر
بتمنى اكون اجبت بوضوح
واسفه للاطاله
شكرا كفى

مع تمنياتي بالتوفيق