دارمي عراقي توب

تاري البنات اشكال مثل الجفافـي
وحده التضل للغير أواحده التوافي

:--------------------------------------

أشرب واريـد أنساك واسكر واذكـرك

مو بالعظم ويطيــب بالكًلب كســرك

----------------------------------------:
كل مرض لامابيك ياخويا محسود
اوحق اليحسدك داخ بعيونك السود
------------------------------------------

منك سمعت الاه كثرت جراحـي
وشبيدي خويا اعليك قصوا جناحي


:---------------------------------------
وين الكفن ينباع يالشايل الخـــــام
عدله أرد أطمها الروح من ظيم الأيـام

----------------------------------------

لم جرحك أو للبيت قوم امشي ويـاي
وامشي ابدلال أرجوك لاتشمت اعداي
---------------------------------------------

كَـالولي ولفـك راح كَلتلهم أبعد
كَـالو صعد للغيـم كَلتلهم أصعد
:---------------------------------------------

من كثر حر الضلع أحترقن هدومي
وتسعين ناقة وجمل ماشالن همومي

:----------------------------------------------

شحجي شقول للناس من همي شحجي
مليان بالحسرات بس احجي ابجــي

:------------------------------------------

اجلد ابممشاي ناحل ترانــــي
خوفي من الشمات مو من زماني

:---------------------------------------------

أتجدب علي واتقول , اسمع كلامك
وانا ابطيب القلب امشي ابمرامــك

:------------------------------------------

عفيه كَلب مَيليــن من يسمـع إبجـاي
لو من صخر هم جـان لان وغده مـاي

:-------------------------------------------

شامت وقف بالباب حاير شقـــله
حيل ابجي عالمكسور أو دمعي هله
:---------------------------------------------
الرد
حيل ابجي عالمكسور حيل ارفس القاع
اولا تنكسر جدام شماتك ابســــاع

:------------------------------------------------

شلونـك.. شلون الدار .. وشلون الأحباب
أذكر جرح بجلاك خبــرني ما طــاب

:-----------------------------------------------

مر والمراره البيك محد حواهـــا
أو روحي اشتهت ملقاك عفيه اشقواها

الرد
روحي اشتهت ملقاك رغم المراره
أو بجفوفك الدلال شيطفي نــاره

:-----------------------------------------------

متعني للعبـاس أشكي الهظايـــم

الواشي قبلي بيـوم بالحظره نايـم
:------------------------------------------------


متعني للعباس أبجي إبحظرتـه
والينكسـر بهواه شنهو جبرتـه
:--------------------------------------------------

قلنا دلال إيجوز وتحمليـــــنا
أو ماندري بيه مغرور يلعب علينا

الرد
ألعب عليك إشلون وانت أعز مني
أو صدقني مو مغرور يالتتهمـني

:--------------------------------------------------

بطلت ممشى الحيل قمت أمشي تاته
أومثل اليقودن بيه أمه أو خـواتـه

:--------------------------------------------------

لو ممشى عشر اسنين أمشيها واكثر
ماأتعب وما جوز من حب الأسمـر

:---------------------------------------------------
حسبالي خوش وليد وسلمتك الروح

طلعت عقرب تلدغني وتريد اتروح

انت العطش والماي وانت المشوفـه
ورسمش وحق عيناش بالكاس اشوفه


أرد انشدك وارجوك صارحني ياهواي
تذكرني لوغصيت من تشرب المــاي


نارك يخايب ماي مومثل نـــاري
اومن يطري بيا الشوق يحترق جاري


هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون



بالك تقول الاه ياخويا بـــالك
كل التقوله ايصير روحي ابدالك


مبخوت أضل للشيب يافلان أذكـرك
أوينكرني نور العين من كون أنكرك


سبحانه من سـواك نص وجهك إعيــون
إزغيــر سبيــت الناس من تكبر شلون

نومني ليله وياك وافرشلي يمك
كل ما افز والكاك بشفاك اشمك


بوسه وثلث حضنات وشبكه اعله خصرك
ننطرح فد فراش صدري على صدرك



كل جرح بيه يطيب اكدر على دواه
بس جرحي من فركاك متحير وياه



بتابوت احط الروح ودفنها بالباب
خاف من اموت تكول عافوني الاحباب



مشتاك الك مشتاك شوك اقوى من شوك
يل تسوى نص الكون بس شفتك الفوك



بين الكلب والروح بستان الك خاص
واهديلك العينين واحسبهن رخاص



كلبي جزيره عشك وحبك شواطيها
وانت الشمس والكمر وانت الهوى البيها




صحح اليغيب هواي يتسمى مفقود
بس انت من تغيب بنص روحي موجود



اتمنى اظمك حيل واتنفس انفاسك
واصرخ احبك حيل من ساسك لراسك



ورقه وقلم كضيت ردت اكتب انساك
اوصل لحد النون واكتبها اهواك




ساسي البنيته وياك ربعته تربيع
دكيته دك ملاج ما ناوي للبيع




ابرسمك اصبر العين لو هزها الفراك
بس بيش اصبر الروح لو هسه تشتاك


احط شفتي على شفتك وعضك حيييييل بسناني
واخليلك اثر بيهن اخاف بيوم تنساني



شكرا الك كارمن على توضيح الدارمي

يمه امنمس واليوم محبوسه الجروح

يمكن حضر تجوال باجر على الروح



غير انه واكع بوس عبالي خده

حض الفكر فزيت طلعت مخده



اه النده البشفاك لو لامس اشفاي

بلصيف ااضل اسبوع ما اشرب الماي



هلكد حلاه حط بيك جلت قدرته

حتى اليصلي الليل داخ وسطرته

لكي مني اجمل تحيه

يسلمو على تواجدكم في موضوعي

شكرا لتواجدكم في موضوعي

يسلمووووووووووواحبك ياعراق يعطيك العافيه على الطرح الرائع عشت

كلمات في غاية الروعة والجمال

سلمت اناملك الماسية

دمتي بكل حب

مالي شغل بالسوق...
مريت اشوفك...
عطشان حفن سنين...
واروى على شوفك...
اريد اعبر الجسرين...
كرخ ورصافه...
واسأل عن المحبوب...
منهو اللي شافه...
حاير وادور عليك...
رحت وعفتني..
.شسويت انا واياك..
.يا لماردتني..
.اشلون انام الليل...
وانته على بالي...
حتى السمك بالماي...
يبكي على حالي

لا بوسه لا هي اثنين كل خدك انباس *** خضر ورد واغصان منها نبع ماس

حبك زرع بالروح ورد و رياحين *** وعطرك عطر قداح يسوى الملايين

دك دك على باب الكلب كل ساع دك دك
واسمك بالضلع مكتــوب دك دك
ولتضن حبك ابروحــــــي دك دك
.....................................
برشة اصله ذهب واريال زنكة
وبالملعب زنگهم خوش زنگة
قصفوا عاصمتهم زنگة زنگة
ورفعوا علم برشة بكل زوية

يالردت عني تروح روح بسلامه
بس عدنا راح يصير يوم القيامه
>>>>>>>>>>>>>>>>>
كالو تريد اتروح واتعذب الروح
امودع الله اوياك بس ابقى لتروح
><>,><><><><><><><><>
اجمل صباح اليوم وبعمري بس هاي
شلت الغطه وفزيت لن عيني بهواي

لعيونك الحلوات بس اكتب اشعار *** وحته الكلب مرات من عدهن يغار

>>>>>>>>>>>>>>>>>>>>>>>>>>>>>>>>>>>>>>>>>>>>>>>>
يم بيتي ريتك كون واشمرلك العين *** تشبعلي منك شوف وتردلي بعدين.

>><><><><><><><><><><m>m<m<m<m<m<m<m<m<m<<<<<>>>>
هاك اخذ كل اعضاي صفطهة بيدك *** واحسبني دم محروم يمشي بوريدك