خذ المايك وفضفض عن طفولتك .. بلاحدود

جميل

حضور مميز وجهد رائع

بارك الله فيك

بانتظار مزيدك

لا تحرمنا من جديدك


[ندعوك للتسجيل في المنتدى أو التعريف بنفسك لمعاينة هذه الصورة]

اف
شو هالحكي

هذه طفوله
لك هاي فلم رعب
بترمو اخوكم من الشباك
يمه

مساء الخير الف شكر الكم على الدعوه الجميله

ابدا بطفولتي كنت كثير وانا صغير شقي وما بخلي حدا من شري كنت موذي الحاره من كثر

المشاكل ما كان يمر يوم الا الجيران بجو على البيت وبيشتكو لابوي عني من عمايلي السيئه

طبعا ابوي طفيح الكيل معه ناداني وحكالي عبدالله تعال بدي ياك تروح على الدكان وتشتري

غراص لاامك انا صدقت الكلام قلت ليش ماروح اشتري غراض واخذ عشر قروش اشترفيهم

وصلت لعندو حتى يعطيني مصاري مديت ايدي ولا انو يوم مسكني وشدني عليه بقوه

وصار بحكيلي بعدين معك ياولد وابدك توب فاضحنا بين الحاره جت مني طله ولا انو

حاط بحدو عصاي ويبلش وين الجنب الي يوجعك ويحبيبي اكلت قتله ما بعلم فيها الا ربنا

من كثر الكتل صرت اشوف البس ارنب اما شو كتله والله لليوم بتذكرها طبعا قعدت كم

يوم هادي في طلعه من البيت ويوم طلعت روحت اخر النهار ولا الجيران عند ابوي بالبيت

طبعا لو دخلت بدي اكل قتله فليت عند عمي حكيتلو شفت الجيران عند ابوي واذا اروح

رايح ابو يطعميني قتله ..................................................الخ قصه طويله

بتوجع الراس هههههههههههههه

كبرت وصحيت على الدنيا وصرت عاقل وحبيت اني اتعلم والحمد الله تعلمت واخذت شهاده

بس والله ايام الصغر حلوه كثير بتمنى انها ترجع ما بنعرف مسئؤليه ولا هموم

كان جدي كل يوم بعطيني انا وخواني مصرف طبعا جدي دقه قديمه يحط المصاري

بكيس عصير بلاستك ههههههههه بيوم من الايام طال المصاري بدو يعطيني ضربة ايدو

من تحت حتى المصاري يطيرو وخذت 20قرش حكيت هو الختيار منشفها علينا

ما صرت ما خذ المصاري وفال عندو باكور بتعكز عليه بدي اطلع من الباب ضرب

علي الباكور ولا انو فاشخني براسي ونزل دمي حزن علي واعطاني فوقهم كمان شلن

انا كيفت قلت لو كل يوم يفشخني واخذ ربع دينار ايام راحت بس حلوه صات ذكريات  

يعطيكم لعافية جميعا

عماد الصالح كتب:

الطفوله عالم البراءة او فترة الجمال الوحيده في حياه الانسان

مهما كانت الطفوله فيها قسوة عند البعض وفيها افراح كثيرة عند البعض الاخر

الا انها تبقى المرحله الافضل والحدث الاروع ومسيرة البناء الصغيره

التي تكبر يوما بعد يوم مخلفة هما اكبر من الذي قبله ليصل الانسان لمرحله الاعتماد على الذات

والموضوع هنا يتحدث عن الطفوله بحد ذاتها بحلوها مرها مواقفها الجميله الصغيرة والكبيرة

وان اردت التحدث عن نفسي لا اعتقد اني اختلف عن طفوله الاخرين بشيء

ايام جميله كانت بكل ما فيها

استذكرها احيانا فأبتسم ابتسامه عريضه واقول في نفسي لو اني فعلت كذا وفعلت كذا

لكن تبقى في هذه الفترة البراءة المسيطرة ولها الحكم المطلق في كل تصرفاتي


ولدت في اسرة كبيرة الا انها رغم كبرها كانت مبنيه على اساسات المحبه

مع بعض التحفظ على امور خاصه لا يمكن ذكرها

الا اني اوشكت نفسي واستذكر بعض اموري من سن صغيره نوعا ما

في احد ايام الطفوله وكنت في السادسه وكان لي اخوين اصغر مني انذاك عدنان وعلي

ومن الاشياء الطريفه في عائلتنا اننا جميعا تبدأ اسمائنا بحرف العين مملكه عين

المهم صار خلاف بسيط بين بابا وماما وحب ابي يلطف الجو فقرر انه يعزم الماما عالغداء خارج البيت

وفعلا خرجا وتركونا في البيت نلعب على راحتنا

قررنا انا وعدنان وعلي نلعب الغمايه وكان بيتنا ايامها مكون من طابقين

وبدئت انا العد واخواني راحو يتخبو خلصت عد ورحت ادور عليهم نبشت البيت لحد ما لقيت عدنان متخبي

تحت سرير النوم وكملت البحث حتى الاقي علي ما خليت ولا خزق في البيت

الا دورته وما لقيت علي حتى خزان الماء دورت فيه وما لقيته

بالاخر حكيت لعدنان وين علي اتخبى بدنا نخلص اللعبه على شان نبلش من جديد

صار يضحك وحكالي ما راح تلاقيه لاني خبيته تحت

بحكيله وين تحت بأشرلي على بيت الجيران اللي جنبنا بحكيله كيف يعني خبيته تحت

بكل بساطه الاخ عدنان ماسك علي وراميه عن السطح على بيت الجيران على شان يتخبى عندهم؟؟

انا جمدت من الخوف وحكيتله خلينا نتخبى قبل لييجي البابا والماما ويضربونا لانا عملنا هيك

ما شاء الله عليه عدنان ذكي كثير كان ايامها

بحكيلي شو رايك نروح نتخبى عند علي

شكله كاين مبلي بطرزان

المهم تخبينا بخزانه الاواعي لحتى اجا الاهل طبعا من ما وصلوا سمعنا صوت البابا معصب وعم يصيح

والماما عم تبكي وحالتها حاله

كانوا الجيران مخبرينه انه اخي وقع عن السطوح

لاختصار الاحداث كانت جارتنا يلي تحت مسيحيه ومن ما تخبى عندها علي وصلها مكسر ومطبش

اخدته اسعفته على السريع اسعاف اولي وضمدت جراحه لحتى وصلت سيارة الاسعاف

واخدوه والحمد لله هاي علي صار ابو بشار وانا لسه ما لقيته

وللحديث بقيه ......

و انتظرنا باقي الحديث عماد!!

ريتك تمتعنا بسرد قصص جميلة من طفولتك

لازالت الدعوة مفتوحة


و شكراا لردك الجميل و لكلامك السلسل

و للحديث بقية

أشكرك على هذا الموضوع الجميل والمفيد
سلمت يمناكي
ونحن في انتظار جديدك
أيتها المبدعة

شكراً حنان على موضوعك الرائع
بالنسبة الي
رح اترك المايك للكل علشان انا ماعشت طفولة
ولا حسيت فيها وكانت ايام سودة
مو حابب اتذكرها مع انها مابتفارئني
الله حرمني من اغلى شي بهالحياة
وهي الطفولة
لو اكتب عنها قلمي يقطر دماً وحزنا
انا اسف ماحبيت عكر صفوكم بعتذر من الجميع
ورح اترك المايك لغيري