نعيب الفيس بوك والعيب فينا

تذكير بمساهمة فاتح الموضوع :

نعيب الفايسبوك والعيب فينا !!

شديناه ماطلقناه وعمينا عينينا !!

الولد من نهار دار الكونط تغير وبدل التحسينة !!

والبنت من نهار دخلات لهاد المشقوف مادخلات للكوزينة !!

فتيحة كاتبغي مراد ، وجمال تايح فــ أمينة !!

خرجنا على راسنا ، وكانڭولو الفايسبوك خرج علينا !!

ومابقيناش نسمعو الهضرة لي كايقولوها واليدينا !!

خمرنا حدا الحاسوب حتا خنازو رجيلنا !!

وفو بروفيل لي جا يتلفنا ويدِّينا !!

والكذوب والنفاق غرقنا فيه من راسنا حتى لرجلينا !!

ولا أاي واحد يجي يطلقها علينا !!

جيلالي مسمي راسو وسيم ، وزوليخة دايرة سمية ياسمينة !!

البنت كاتڭول لصحاباتها أنا حادڭة وهي ماتعرفش حتى للعجينة !!

والولد ، ماماصحب ڭاع وطالقها أنا صاحبتي قرطاسة وزوينة !!

وقمة الغباء ، بنادم فأمريكا والآخر فأستراليا ، ويڭول ليه سير غادي نرتكب فيك جريمة !!

المهم شفت حتا عييت ومالقيت مانقول غي الله يهدينا !!