أول شي الشخصيات محمد حاسم في قراراته ولا يهاب أحد انسان غامض الا مع بندر لأنهم أصدقاء من الطفوله وعمرهم ماتفرقوا حتى في السفر
بندر انسان حساس وعنده الحب فوق كل شي وانسان طموح
باسل يصير أخو بندر الكبير ويحب يسافر كثير ويشتغل بشركة العائله ويكره الدراسه وخاطب بنت عمه
ريم خطيبة محمد وبنت جيرانهم وتحب الدراسه ويحبون بعض من هم صغار
جنان أخت بندر الصغيره تدرس الثانوي وفاهمه كل شي وشيطانه وملقوفه وتحب الأكتشاف
سعد أخو محمد الصغير ويفهم حراكات محمد وبندر وما فيه شي يفوته وذكي بالمره
ماجد أخو محمد الكبير وشوي ملتزم متزوج وكل يوم يزعج محمد وسعد بمحاضراته
شيماء أخت محمد و صديقة جنان الروح بالروح ونفس الصفات بس تزيد عنها بشغله تموت في المغامره
الجزء الأول
وهم يتمشون بشوارع الرياض ومن حي لحي ويفكرون وشلون يقنعون اهلهم بالدراسه للخارج محمد: جتني فكره بندر: عطنا اللي عندك محمد:مو احنا مجهزين امورنا لسفر لطوكيو بندر: اخلص علينا محمد: نحطهم بالأمر الواقع بندر: شلون محمد : نقول اننا مسافرين لجده واذا وصلنا للمطار نتصل ونقول انا رايحين لطوكيو ندرس بندر:تهقى انهم بيرضون محمد مدري بس انا راح اسويها بندر: اوكيه وبعد مرور أسبوع في بيت أبو محمد محمد وهو توه داخل للبيت وش الهدوء اللي انتو فيه سعد وهو على الاب توب :راحوا الشياطين محمد وانا قايل نفس الكلام سعد : الا اقول وش صار على البعثه محمد : اقول اسكت لحد يسمعك ابو محمد : وش اللي لحد يسمعك محمد: ها لا اممممممممممم سعد : كنا نتكلم عن الشباب ابومحمد : المهم بروح اجيب اهلكم محمد : يبه بسافر بكره ابو محمد : ليش سعد: أكيد يتمشى الا من معك محمد : مايخصك ابو محمد :مين معك محمد :العيال سعد: وعلى راسهم بندر اقول يبه خله يروح يغير جو ابو محمد: الله يحفضك مع السلامه وطلع محمد : انت ماترتاح لين تفضحنا سعد بس محد غير السالفه غيري ولاانا غلطان متى رحلتكم محمد: وهو يطلع جواله بكره سعد: من بتكلم محمد: اكيد بندر الو بندر: هلا والله محمد: ساعه عشان ترد بندر: معليش كنت بالصاله والجوال فا لغرفه محمد: المهم كلمت اهلك بندر: لا محمد وهو معصب : ليش انشالله ماكلمتهم بندر : ليش انت كلمتهم محمد: ايه ويالله انت روح كلمهم باي وسكر الخط بندر شف سكر الخط بوجهي يالله توكلت على الله الله يستر من أفكارك يا محمد
..................................
مساء الخيرات باسل مساء الأنوار بندوره وينك لي يومين ماشفتك بندر : الله أعلم من اللي ماينشاف أقول يبه أنا بسافر بكره باسل : لا ولله من جدك بندر لا من خالي ههههههههههههههههه ام بندر وين بتسافر بندر جده ابو بندر :بهالحر جنان :وش فيها يغير جو بندر خذني معك أبو بندر :هذا اللي هامك أم بندر:طياره ولا سياره بندر :لا طياره ابو بندر: وش عندك بجده بندر: اقدم على الجامعات باسل :فيه شي أسمه نت بندر توهق :لا بس لو رحت اضمن جنان: متى بندر رحلتك 8الليل بندر عن اذنكم جوالي يدق وطلع ركض لغرفته بندر: هلا والله محمد : هلا وغلا هابشر وش سويت بندر:قلتلهم الا أقول وش قلت لأهلك بنسافر ليش بها اللحظه دخلت جنان أبعد أرتبلك الشنطه بندر :يسلمو مايحتاج أنا ارتبها بنفسي ومحمد على الخط ميت ضحك جنان لا عادي برتبها بندر وهو رافع صوته جنان اطلعي برى بندر : أيوه محمد محمد: ههههههههههه بندر: خير ليش الضحك محمد:وش النشبه الي من شوي بندر :هذي جنان نشبه ما تعرفها أقول ماجاوبت على سؤالي محمد:أيه قلت أنا بنتمشى ليه انت وش قلت بندر : نقدم على الجامعات محمد:والله أنك خطير يالله باي بندر :باي
..........................
اليوم الثاني محمد وبندر مع ماجد أخو محمد الكبير وهم ميتين رعب وخافو ينشبلهم كان ماجد طول الطريق ينصحهم ولما كان ماجد يتكلم دق جوال محمد وكان حاط النغمه بلا حب بلا وجع قلب وش جانا من ورى هالحب غير التعب غير الألم وش جانا ماجد ليش وانا اخوك مو قلت أنك تبت من الأغاني محمد:لا هذا جوال صديقي وبندر كان يضحك ماجد :واذا ليش أنت ضامن نفسك محمد :لا بنقابله في المطارماجد: وبعد لاتاخذ شي مو لك وصلنا أنزلو وأنا بدور موقف وألحقكم محمد :لايا خوي ماله داعي ماجد :لا له داعي ونص بندر: لا والله ماتدخل معنا ليش تدخل والعيال ماقصروا يعني ماله داعي ماجد : على راحتكم نزل ماجد وودع محمد وبندر ومحمد وبندر مادخلو حتى تأكدوا أن ماجد راح محمد: والله أنك خطير بندر : تذكرت ملتزم وقلت مامعي الا الحلف محمد: بس بيضت الوجه بندر : الا أقول أنت الخطير محمد: اهــا قصدك اللي بالسياره
...................................
بالطياره محمد:الو ام محمد:هلا يمه ماسافرت محمد :الا اللحين بنطير بس أبي أخبرك أني رايح لطوكيو أدرس يالله يمه مضطر أسكر اما بندر ارسل رساله وبالنسبه للمقاعد محمد جالس قدام بندر وجنبه رجل وبندر جنبه بنت
...................................
وفي بيت ابومحمد ابومحمد: ليش سو كيذا ليش أبو بندر :خيره أبو محمد :هـــــــــا وشو اللي خيره ودخل ماجد هذا هو شرف ماجد: وش السالفه أبو محمد: ماتدري والله أني داري ان كل هذا من تحت راسك ماجد: الله يهديك والله مدري وش السالفه أبو بندر : بندر ومحمد راحو لطوكيو ماجد: وش قاعد تقول هم قالوا أنهم رايحين لجده أبو بندر : خدعونا بندر ومحمد راحو لطوكيو ماجد : وش يسون بطوكيو ابو محمد :يدرسون وقامت الدنيا وقعدت بالرياض
........................................
أما محمد وبندر بندر: ميمو وش شعورك محمد: والله يا بندوره شعوري كشعور أي مواطن سعودي رايح لمكان مايعرفه بندر: بلا سخافه محمد: وش تتوقع يسون الحين بندر : مين محمد: أهلنا بندر أتوقع أنهم مجتمعين ويتناقشون عنا محمد: ماعلينا المهم بنام اذا وصلنا صحني بندر: اذا مانمت لأني البارح ما نمت محمد: اوكيه هم يصحوني بندر:ههههههههههه ليكون أنت الكابتن محمد :لا محمد بس قصر حسك بــــــــــــــــــــــــأي بندر باي البنت الاخ سعودي بندر ايه وانتي البنت ايه معك لمياء بندر: وأنا بندر
................................................
نرجع للرياض ماجد: باقي جوالاتهم مقفله ابو محمد : الله يهديهم أبو بندر: هم بس لو يدرون عن الحقيقه اللي لها سنين ماجد: أي حقيقه ابومحمد :بعدين تعرف ماجد:لا الحين
...................................
بطيـــــاره بندر يغني يحقلك وانا بعد يحقلي مغرور بك وانت بعد مغرور بي لمياء: صوتك حلو بندر:شكرا بس تصدقين انتي اول وحده تقولي صوتك حلو لمياء : بس هذا الصدق بندر: أنتي تدرسين بطوكيو لمياء:لا أناعايشه هناك بندر:وشلون ولحالك لمياء:أبوي سفير السعوديه بندر: اها محمد : بندر الحق بندر: وش محمد::شوف شوف بندر: مين محمد: شوف ربعنا بندر: أي ربع محمد:اللي قدامك بندر: وين أهلهم عنهم محمد: تلقى الأم في جنيف والأب في سويسرا بندر: الله لا يبلانا والله لو أني أقربلهم محمد: وش بتسوي بندر: والله مااخليهم يطلعون كيذا محمد:هذا اذا ماجلدوك بندر: يخسون مابقى الا هذول لان أشكالهم تخوف لمياء: ههههههههههههههه محمد: ليش تضحكين لمياء: عليكم هلا لمار لمار: لمياء الحقي علي لمياء:وش السالفه لمار: نواف بالع مسجل بس يتكلم لمياء : ماقلتي شي جديد اوه هذا بندر بندر: اهلين لمياء: هذي أختي الصغيره لمار محمد: اااااااااه يالخاين بندر: وش فيك محمد:ليش ماعرفتهم علي بندر: كنت نايم محمد: أنا محمد صديق الخبل لمياء أنا لمياء لمار :أنا لمار محمد: تشرفنا لمياء:هذاك نواف أخوي واللي جنبه أمي
وش الحقيقه اللي محد يدري عنها؟
ليش أهل بندر ومحمد مايبونهم يدرسون برى؟
وش تتوقعون يصيرلمحمد وبندر؟
راح أكمل بس أبي ردودكم في النهايه
الجزء الثاني
صدمتني بندر:وش اللي صدمك محمد:هالتعرف اللي بطياره بندر: لايغرك الشكل اهتم بالمضمون محمد:أنت خليت فيها مضمون بندر: شوف اليابانين مو أحنا ياحضي محمد: ايه والله لويشوفونا بينتحرون نواف مرحبا أنا نواف هذول الأهل اول مره تجون هنا محمد:ايه نواف: يعني ماتعرفون الديره أهلين بابا أبونواف : الحمد لله على السلامه وشلونكم بنات
البنات: أهلين بابا نواف: هذا بندر وهذا محمد وهم معنا بالسكن أبونواف: هلا بكم تو مانور المكان بندر: منور باهله ابو نواف: يالله بالسياره كان ترتيبهم أبونواف يسوق ام نواف جنب زوجها نواف ومحمد وبندر في المرتبه الثانيه ولمار ولمياء ورى لمار: لمياء بضرب نواف لمياء: أوكيه لمار ضربت محمد بدل نواف لأنهم يتشابهون في الأجسام والشعر محمد: ااااااااااااااااااااي لمار
ههههه نواف: وش اللي سويتيه محمد عسى ماتعورت محمد: لا بس لمار انتي بأي نادي مسجله لمار
ههه والله ما كان قصدي أسفه محمد:تمونين وبندر كان يفكر بالمياء وهي تفكر في بندر
....................................
نرجع للرياض في بيت ابو بندر باسل: يابابا يا حبيبي ليش زعلان خله يدرس وش فيها أبو بندر: من قل الجامعات عشان يدرس برى جنان: لا موكذا بس هناك مستقبل أكبر أبو بندر: خلاص قفلوا الموضوع جنان: مراح نقفله الا لما نعرف السبب باسل: أجل خله يدرس مافيه سبب مقنع وقالبين الدنيا فوق تحت
...............................
ابو محمد: تعوذي من ابليس ام محمد: ابي ولدي شيماء: يمه هدي اعصابك والله مايصير تعصبين ام محمد: ماودي يصير لمحمد نفس اللي صار لخالد شيماء: مين خالد سعد: محمد يتصل الو محمد: أهلين ابومحمد وش اللي سويته ام محمد: أرجع يامحمد ارجع محمد: ليش يمه تبين تحرميني من حلمي ام محمد: ارجـــــــــــــــــــــــــع سعد: والله اذا عندك مخ لا ترجع شيماء: عطني الجوال الو محمد محمد: هلا شيوم شيماء: أخبارك محمد: تمام كيف الاوضاع عندكم شيماء: متلخبطه الا اقول محمد تعرف واحد أسمه خالد محمد: لا ليش شيماء: امي تقول ماودي يصير لمحمد نفس اللي صار لخالد محمد: خالد مين هذا ووش قصته شيماء: انا اللي اسألك تسألني محمد: أول مره أسمع الأسم هذا بس بحاول أعرف من يكون شيماء: وأنا بحاول مع الوالد لعلى وعسى يتكلم محمد: بااااااااااي شيماء: باااااااي
محمد: بندر تعرف واحد أسمه خالد بندر لا ليش محمد: امي تقول ماودي يصير لمحمد نفس اللي صار لخالد بندر: وش تتوقع قصته محمد: مدري وهذا محيرني بندر محيرك محمد: أيه لأنه هو السبب اللي ماخلونا ندرس برى بندر: الجرس يرن روح أفتح محمد: أوكيه محمد وهو يفتح الباب خالد خالد لمار:هههههههه خير تكلم نفسك وخالد هذا أخوك محمد:مدري لمياء: تفضل العشاء محمد: ماله داعي تتعبون نفسكم بندر: محمد: مين اللي عندك أهليييييييييييييين لمياء: هلا جبنالكم عشاء بندر: شكرا لمار: بندر من خالد بندر: حتى أنتي تسألين عن خالد لمار: ليه من سأل قبلي بندر: أحنا بس تصدقين محير الكل لمار: ليش بندر: مدري من يكون لمار: ههههههههه بندر: ليش تضحكين لمار: عليك وشلون تعرف أسمه ولا تدري من يكون لمياء: يالله SEE YOU بندر: SEE YOUلمار: bey بندر: beyلمار: لمياء وش تتوقعين قصة خالد لمياء: سرحانه لمار: لمياء ردي علي لمياء: وش رايك فيه لمار:مين لمياء بندر لمار: هي ليكووووووووون وسكتت لمياء: وشفيك وشو اللي ليكون لمار: معجبه لمياء: مدري
.............................................
شيماء: ااااااااااااااااااااه مين خالد اللي شاغل الكل معقوله يكون من العائله وأنا مانعرفه اويمكن مات وهو صغير عشان كذا مانعرفه لالالالا ماعتقد لو انه من العائله كان عرفنا من يكون يمكن من الجيران لامستحيل سعدون يعرف كل الحاره ويمكن الحي بكبره الحب عتب الحب لهب الحب هو راحه وتعب والحب لوما هو حلو ماغنا فيه اهل الطرب الله الله الله الله على الحب الكبير شيماء : هلا جنان: شيوم وش فيك صوتك مو طبيعي شيماء: والله مدري وش اقولك جنان: قولي اسمعك شيماء: خالد محيرني جنان: خالد مين ليكون متعرفه عليه ولا ولد عمك شيماء: والله مدري بس تصدقين محيرنا كلنا حتى محمد وبندر جنان: مدام السالفه فيها محمد وبندر ابي اسمعها بالتفصيل الممل شيماء : امي تقول ماودي يصير لمحمد نفس اللي صار لخالد جنان :طيب وش الغريب شيماء: انت تستهبلين اقولك خالد هذا اول مره اسمع اسمه جنان: يالخبله يمكن صديق الأهل شيماء: هو السبب الي عشانه ماسافروا بندر ومحمد جنان: وش رايك نبدأ بتحرياتنا الخاصه شيماء: أوكيه جنان: نبدأ بالوالد واذا ماقال فيه شي في بالي راح نسويه شيماء: ممكن أعرف اللي ببالك جنان: خلينا نجرب خطة أ وبعدين اذا مانجحت نروح لخطه ب شيماء: جنان الباب يدق لحضه ثواني وارجع اهلين ماجد ماجد: شيوم ابيك بموضوع جنان كانت تسمع الحديث شيماء: تفضل ماجد: تعرفين قاطعته شيماء : خاااااااااااااااااااالد ماجد: وش عرفك فيه شيماء: الكل يتكلم عن هالخالد ماجد وش يقولون عنه شيماء: يقولون ماودنا يصير لمحمد نفس اللي صار لخالد ماجد: وش صارله شيماء: وانا وش يدريني ماجد: يعني هذي الحقيقه الي يقول عنها الوالد وابو بندر شيماء: أي حقيقه ماجد:يقولون البارح عن العيال هم بس لو يدرون عن الحقيقه اللي لها سنين شيماء: يعني أنت ماتعرف خالد ماجد: ايه بس الحمد لله أنك وضحتيلي يالله مع السلامه شيماء: مع السلامه الو جنان: هلا شيماء: اتوقع سمعتي جنان: ايه ومدام السالفه فيها الوالد نبدا من هالحضه تحرياتنا شيماء: اوكيه باي
.........................................
ام نواف: تصدقون ارتحت لمحمد وبندر ابو نواف : وانا ارتحتلهم لمار: ايه والله حسيت انه اخواني بس احس فيهم شي مو طبيعي لمياء: مثل وش نواف : اشكالهم مو شكل دراسه لمار: لا اليوم لما ودينا العشاء فتح محمد وهو يكلم نفسه ويقول خالد خالد وسالت بندر وقال حتى انتي تسالين وعلى كلامه انه محير الكل نواف: وانت وش عليك خصوصيات العالم بلا لقافه لمار: لازم اعرف مين خالد ام نواف: ابو نواف وش رايك بكره نعزم محمد وبندر على الغدى ابو نواف: فكره ليش لا لمياء: تصبحون على خير
.....................................
محمد: بندر بندر: لا رد محمد: بندر بندر ابو الشباب بندر: ها محمد: وين رحت بندر: مارحت بعيد محمد: خالد بندر: انا وين وانت وين محمد: لا جد مين الي ماخذ عقلك بندر: لمياء محمد: ها لمياء ماغيرها بندر: ايه لمياء وشفيك اخترعت محمد: والله شكلك طحت ومحد سمى عليك بندر: تصدق احس انها غير محمد: غير بوش بندر: في كل شي محمد: انا قايل أنك طحت ومحد سمى عليك بندر: حبيتها محمد: يعني حب من اول نضره
بس تبي الصراحه البنت حلووووووووووووه وما تتعوض بندر: هيه لاتتكلم عنها محمد: وتغار بعد والله منت بسهل يا بندوره
...............................
بالرياض باسل وماجد وسعد بالمقهى باسل: اقول ياعيال تتوقعون خالد ذا من عايلتنا ولا عايلتكم ماجد: مومهم المهم نعرف مين يكون سعد: وش رايكم كلنا نسافر لطوكيو عند العيال واكيد بنعرف حقيقة الشيخ خالد باسل: وانت وجهك حطيته شيخ وانت ماتعرفه اقول ماجد الظاهر انه سمي خالد ولدك ماجد: وشلون سميه وانا مااعرفه سعد: اجل ليش مسميه خالد ماجد: اوووووووووه يعني انت وياه مالقيتو الا انا باسل: اقول من اللي سماه خالد ماجد: الوالد سعد وباسل بنفس الوقت: وشو ماجد: وش فيكم اخترعتوا باسل: محد رافع ضغطي الا انت سعد: ايه والله ويقول مااعرف شي ماجد: وش قاعدين تتكلمون عنه باسل: من اليوم وانا نبي نعرف ولو شي بسيط وانت ساكت سعد: اقول شكلنا ماراح ناخذ لا حق ولا باطل ماجد: الله يهديكم وش عندكم قالبين علي باسل: اقول سعد أمش قبل لأسطره قدام الله وخلقه سعد: ايه وانت الصادق لو بقينا هنا شوي احس بنتهاوش ماجد: وين رايحين سعد: اووووووه والله انك نشبه وهذا وجهي ان رحت معك مكان باسل: توبه ماجد: والله هذول صادقين راحو وخلوني
.................................................
بلا حب بلا وجع قلب وش جانا من ورى هالحب غير التعب غير الألم وش جانا محمد: هلا وغلا سعد: هلا والله عاش من سمع هالصوت محمد: عاشت ايامك اخبارك سعد: مو زين محمد: افا ليش باسل: اخوك ماجد نشبه محمد:ليش وش مسوي بندر: مرحبا شباب باسل: هلا باخوي بندر: هلا بك محمد: اوووه وش السالفه سعد:يقولك مايعرف خالد وهو مسمي ولده باسمه محمد: وشلون باسل: اقول توبه والله مااروح مره ثانيه معه بندرومحمد:ههههههههههه بندر: لهدرجه سعد: واكثر بعد بندر: وانتو وش عرفكم باسل: هو الي يقول انه ابوه مسميه محمد: السالفه فيها الوالد ترررررررررن بندر افتح الباب باسل: حركات والله جايكم ضيوف محمد: هلا بنواف تو مانور البيت نواف: بوجودكم سعد: اقول ميمو عرفت من اللي بيعرف مين خالد محمد: مين سعد: شيماء وجنان محمد: ايه عاد هم اذا حطوا شي ببالهم لازم يصير بندر: ميمو افتح الباب محمد:بس متى بيبدون باسل: اليوم محمد محمد الووووووو محمد: هلا بالصبايا لمار: شكرا سعد: ميمممممممممو محمد: وجع راحت طبلتي تفضلو باسل: هيييييه رايحين تدرسون ولا تتعرفون محمد: باااااااااااااااي باسل:هههههههههههه قفل السماعه
.....................................
محمد: يالله ارفعوا ايديكم للسماء وادعوا المنتخب يفوز يارب الكل: اميييييييييين لمار: فديت سامي الجابر نواف: والله وقلة الأدب هذا وانا معك اجل لو بروحك وش بتسوين لمار: اااااااااه اشياء مو طبيعيه محمد: خلاص انت والملاكمه نبي نتابع المباره لمار: مانسيت بندر بكل هدؤ : ميمو وش قالو العيال محمد: ابد يقولون خلو الموضوع على شيماء وجنان بندر: والله قدها لمياء: مين شيماء وجنان بندر: شيماء اخت ميمو وجنان اختي لمار: ووووووووووووووو هدف محمد: كفو لمار: فديت اللي جابه نواف: مابقى احد الا فديتيه مابقى الا الهنود لمار: بس ذا يستاهل بندر: وانتي الصادقه عيالنا يستاهلون لمياء: لالالالالالالالالالالالا كرت بندر: اول مره اسمعك تصرخين
.............................
شيماء وهي تدور في اوراق العائله : يووووووووووووه طفشت وانا قاعده ادور بالأوراق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وشو خال ل لد عبدالله ال لا مستحيل انا لازم اخبرهم شيماء: يالله وين شيماء:الو جنان: هلا وغلا وشفي صوتك شيماء جوالي الحب عتب الحب لهب الحب هو راحه وتعب والحب لوما هو حلو ماغنا فيه اهل الطرب انهارت من البكاء جنان: شيوم حياتي قولي وشفيك خوفتيني شيماء: عرفته عرفته جنان: مين اللي عرفتيه شيماء: اااااااااه ااااااااااااه اااااااااااااه جنان: شيوم انا راح اجيك
من يكون خالد عبدالله ؟
وش اللي بيصير للعائله ؟
وش نهاية علاقة الحب اللي بين لمياء وبندر ومتى راح يصارحون لبعض حبهم؟
استنى ردودكم.......................