ملاعب الاردن حدث ولا حرج

السلام عليكم و رحمة الله و بركاته
شاء الله ان اتابع احداث الشوط الثاني من مباراة الوحدات و الاهلي على رواكة بالضار المهم اثناء المتابعة لم اتردد بالقاء نظرة على باقي المباريات للدوري الاردني و خصوصا الفيصلي و شباب الحسين وحتى الحسين و الجزيرة اسمنه اللمحات الفنية نادرة و خطورة تضييع فرصة هان و لا هان نادرة عمران...
عدا عن المستوى الواقع من هوليكبتر مبنشر عجلها الخلفي لكرتنا الاردنية هناك شيء ملفت للنظر للغاية اسمنه كرتنا واكعة من زمان و الله غالب ابيش عنا اكثر من هيك ...
الملاعب الاردنية اشي تحفة بالفعل فضيحة و عار و اشي بوطي الراس و الكرشات.
محزن للغاية ان تشاهد الوان لا تعد و لا تحصى في ملاعبنا ان ترى الكرة تقفز و تنطط دون ان يلمسها احد ان ترى اثار الرعي و الرعيان و الخيل و الخرفان ...
طيب لاعبين مفيش عنا على الاقل ملاعب خضرا او مستوية ابنختلفش على اللون على الاقل الكرة تمشي بمسارها و ما يكون للارضية دور بالنتيجة .
صراحة ملاعب كهذه لا ينقصها الا طابة مرقعة او فطبول ابو الليرة و نص حتى تكون الامور متوازنة اضافة لكلرات نادي الحسين اربد اللي مخططة بقلم فولماستر ...
كيف لو كان في عنا ثلوج و اجواء متقلبة اي الشتا اللي بيجينا يا الله يكفي الزيتونات .
اقسم بالله ملاعب الشوارع اللي ببلجيكا المتخلفة كرويا في اوروبا احسن من ملاعبنا ( الدولية ) و التي تحمل اسماء غالية على قلوب الاردنيين

عزيزي كل شي ببدايته بيكون هيك
همتكم وهمة الشباب اكيد رح تساعد
ونحنا بلد عم نسعى لنتميز بكل شي
واكيد رح نوصل

تم النقل للارشيف لانتهاء الحدث
شكرا