لماذا (قصه قصيره)

أمل : حبيبي سامحني اتاخرت اليوم والله الدنيا كتير زحمه واتاخرت بالشغل شوي أما صارلي اليوم فلم في الشغل مع المدير الله لا يورجيك بس ربك ستر ومشت على خير
جبتلك الجريدة بس احكيلك والله ما فيها أشي مهم بلاش اقرالك إياها بلاش اسملك بدنك
..............................
يالله حبيبي بدي أروح بمر عليك بكره بحبك ...

في بيت أمل ....

الأم : وين كنتي لهلا اكيد رحتي عنده
امل : اه كنت عنده وراح اروح عنده كل يوم الله يسعدك بلاش نحكي في هالموضوع
الأم : يا امل طيب شو اخرتها
امل بعرفش بعرفش ........... (وهرولت الى غرفتها تبكي دموع لا تنتهي ..)

محمد : مرحبا انا اسمي محمد ساكن هون جاركم ما بعرف شبهت عليكي يمكن مو انتي
امل مع ابتسامه خفيفه : اه شبهت علي يمكن انا كتير بشبهوني على العموم تشرفنا يا جار انا اسمي امل
محمد : تعرفي انتي كتير حلوه من زمان ولا هلاشي جديد
امل : احكيلك شغله صحيح انت واحد ما بستحي ........

الساعه السادسه صباحا جرس المنبه باعلى صوته ليوقض امل من النوم ..
الصوت من خارج الغرفه
الام : امل اصحي بكفي نوم الفطور جاهز بلاش تتاخري على شغلك
امل : حاضر هيني صحيت يا ربي كان خلتيني اكمل حلمي

في شغل امل :

سعاد (زميله امل): كيفك امل شو اخبارك كيف محمد اليوم
امل : الحمد لله متل ما هو لا جديد
سعاد : ربك كريم رايحه عنده اليوم
امل : اكيد رايحه هو انا بقدر ما اروحش بموت اذا اجا يوم وما شفتش

..... محمد : حبيبتي يالله هانت كلها كم شهر وباجي اطلبك
امل : الك سنه وانت نفس الحكي والله بطلت الاقي حجج كلي يوم حدا جايبلي عريس
محمد : لا حبيبتي انتي عارفه انا توضفت جديد والله بوعدك استحمليني كلها كم شهر
المدير : امل امل شو نايمه
امل : اه نعم لا لا استاذ كنت بس سرحانه انا اسفه في اشي
المدير : خلصتي الشغل الي عندك
امل : هلا استاذ بخلصو وبجيبلك اياه على مكتبك



اخر الدوام :


امل لسعاد : يالله باي بدي اطلع والله محمد ليفضحني اتاخرت اليوم
سعاد : لا ما بيفضحك ( يا ريته يقدر يحكي معك )

امل بصوت عالي : تكسي تكسي

في التكسي : الله يسعدك شارع الجامعه

............... الهاتف يرن : الو مرحبا
سمر اخت محمد : الو امل الحقيني محمد راح
امل : شو بتحكي شو في ماله محمد شو فيه
سمر : محمد عمل حادث وهلا هو بمستشفى الجامعه بيحكوا انه مات
امل : شو ايش بتحكي ......................

سائق التكسي : يا اخت يا اخت دينار ونص
امل : اه شو
سائق التكسي : اختي وصلنا متشفى الجامعه العداد دينار ونص
امل : اه اخوي شكرا تفضل .

الممرض سامي : شو يا ابو حميد كيفك اليوم
الدكتور احمد : ايش يا سامي كيف وضع محمد
سامي : هيو يا دكتور الله يكون في عونه
الدكتور : شو لسه امل ما اجت
سامي : هلا بتيجي الله يكون بعونها الها اكتر من سنه كل يوم بتيجي بتحكي معه
الدكتور : الله يشفيه مع اني ما بعتقد انه يصحى من الغيبوبه تبعته
سامي : وهاي اجت امل
امل : مرحبا دكتور طمني شو الاخبار
الدكتور : اهلين يا امل والله ما بعرف شو احكيلك الله يكون في عونه والله يلطف فيه
في اليوم التالي :-
امل : مرحبا ستسر وين محمد ليش مو على تخته
الممرضه : البقيه بحياتك اعطاكي عمره امبارح بليل .

عم السكوت المكان وخرجت دمعه من عيون امل وقالت باعلى صوت لا محمد لا تخليني لحالي
لا تموت لا تخليني لالالالالالالالا ......

ركعت امل على ركبتيها لم تستطع الحراك من شده الصدمه الدموع تكاد لا تتوقف حتى كادت العينين تضعفان من كثر البكاء
رفعت رأسها للسماء وقالت تكلم ربها
: يا ربي لقد حرمتني من حبي حرمتني من الانسان الذي حتى في غيبوبته كنت استمد منه قوتي
تركتني وحيده حزينه
حبيبي محمد قد لا استطيع ان اراك او ان المس يداك لاكني ساحبك وسابقى احبك ما حييت

جميل جدا راسم
تسلم دياتك

يسلمو اخي راسم على القصه الرائعه

يعطيك العافيه على جهودك وابداعك المستمر

يسلموووووووووو القصه الرائع كثيرررررر
يعطيك العافيه

يسلموووووووووو القصه الرائع كثيرررررر
يعطيك العافيه

[ندعوك للتسجيل في المنتدى أو التعريف بنفسك لمعاينة هذه الصورة]


سلمت اناملك على هذه الروعه


قصه مؤثره جدا وفيها عبره


شكرا لك راسم



لا عدمنا طلتك الراقيه


ودمت بعطاء متجدد

[ندعوك للتسجيل في المنتدى أو التعريف بنفسك لمعاينة هذه الصورة]

جهود مشكوره يعطيك العافية