هل راس كلارك يستحق القطع

شو هالحكي محمود

مش محرزه القصه لتطير فيها روس عباقره متلك
انا يلي بعرفك مخترعنا الجميل

متل ما تعلمنا الكيف والقهوة
ممكن نتعلم عدمها
والبنزين والله مش عارفه شو اقول

كل الابار مو محرزه لنطًير راسك

شو هالحكي

عزيزي
السياسه شي مش بسهوله نحنا بنفهمه
العجز الموازنه الميزانيه
قديش الدوله بتصرف
قديش بتربح
ارقام كتيره وما بنعرفها

نحنا بنعرف شي واحد

انه نحنا هون يمكن ارخص من كتير دول عربيه
واذا لفيت اكيد بتعرف

لما القهوه والبنزين بيرتفعوا
هذا بيكون ارتفاع عالمي مش محلي
واذ كان غير هيك
بيكون تلاعب تجار

خلينا نقول نشكر الله
والله يا محمود ما حدا بيقدر يقدر حجم المساعدات يلي بتقدمها الدول لابنائها خاصه الاردن
خلينا بس نحكي بمريض سرطان بيكلف علاجه شهري 6000 دولار

كله ولا راسك محمود

شكرا قمر
رد جميل
انا ما حبيت احي بوضوح متلك
ولكن لي كلمه

دايما امي كانت تقول

الضربه يلي ما بتموت بتقوي

وكون بعض الجهات ما قبلت نجاحنا لانه ممكن بيتعارض مع مصلح وسياسات

فهذا لا يعني انه احنا مش ناجحين

بالعكس دايما ربنا بيكون مخبي الافضل للكل

تأكد عزيزي
انه الايام الجايه رح بتكون كتير افضل

عزيزتي كفى (الاموره كارمن)
العسوله(قمر )
لاادري كيف اصفكم فانتم البلسم للمجروح
والترياق لسقيم
والجرح يحتاج الى وقت ليشفى ويندمل
والصداع له اسباب كثيرة

الى متى سنعيش مثل الاجهزه التي لاتتطور
الى متى سنبقى .....نقول (رايحه تفرج بس اصير)
الى متى نرى انفسنا مقبدين دون قيود
البقاء في القوقعه لايعني الخروج منها
والقوقعه لاتفتح اطبقها الا بالكسر او الفطع
وانا
من هذا المنطلق
اطالب وبشدة بقطع ذلك الراس المتمرد على حياته الغير قابل لتفاوض على العيش (حياه كريمه)

كارمن
عندما تهب رياح الياس ....اشعر بالانكسار

الله لا يجيب رياح يأس عزيزي انت من هاي الرياح لازم تختلق الامل وتجيير كل شي لصاحك متلا : ـ

لما انت بمجتمع ممكن ما بيقدر تعبك
وما بيقدر قيمة عملك


هذا شي جيد نوعا ما
لحتى تبدع اكتر وتشتغل شي مميز اكتر والكل وغصب عنه يحس بقيمة هذا الابدع


انت مميز
وكلنا نعرف ذلك وراسك لا يستحق سوى التقدير والاحترام

اختي الغاليه هموس
اشكرك على هذا النقاش البناء والرد الصارخ الذي يصتصرخ فينا الامل والوجدان ويبقى السؤال
الى متى
ننتظر
الى متى
نعيش
الى متى
نموت
العمر اجمل مايقاس بالاعياد لا بدخان المئاتم
............كلارك الاسد

مساء الخير

شكرا أخي كلارك لطرحك المميز والغريب في آن واحد

انتظرت الردود لغاية في نفسي وذلك لارى ردود الجالية الاردنية


عش لدنياك كأنك تعيش أبدا وعش لأخرتك كأنك تموت غدا


لن أعلن الحرب هنا على الحكام ومسؤولي المالية وخزائن الدولة والارباح والموازنة


فلا محال من هذه الحرب ولا جدوى

أنما سأدخل في البعد البعيد للفكر القريب ما بين الهروب من الواقع والتنديد


جميع الكماليات الموجودة في الحياة يستطيع الانسان الحياة بدونها

وأن الله عز وجل قسم الارزاق فلولا الفقير ما كان الغني

فالفقير له حياة والغني له حياة وعند الله المساواة بما أمن وعمل الانسان


فعند قوة الايمان والزهد ترتفع درجات الانسان بالسعادة في الحياة وما بعدها

فلما التعقيد والجدال في أمور ثانوية لا تؤدي الا الى تكعير صفاء النفس وزعزة القناعة


عش حياتك واقتنع ولا تيأس ولا تقل ضع رأسك بين الرؤوس وقل يا قطاع الرؤوس

فلكل أنسان في الحياة رسالة يجب عليه أن يؤديها فأما أن يخلد ويذكر أو يذهب مع الرماد


وأرى نفسي سأخرج من الموضوع وربما خرجت فأعتذر

وسلامة رأسك أخي كلارك فكل ما في الدنيا لاتساوي ألم في سن من الأسنان


دمت ودامت الممكلة الأردنية الهاشمية بكل الخير والسعادة






دائما بجانبكم أخوكم المخلص


.....ADNANALLAAME....
______________________

شكرااااااااااا لك

شكرا لك كلارك على هذا الموضوع الرائع
عنجد يسلمووووووووووووو

هههههههههههه
غيض من فيض

adon كتب:

هههههههههههه
غيض من فيض

اشكر مرورك اخ الغالي ادون

كلارك الاسد كتب:

انسجاما مع المثل القائل "الراس اللي ما فيه كيف حلال قطعه"، وتفهّماً للقرارات الأخيرة التي رفعت سعر القهوة - ذلك المشروب الذي يأخذ على عاتقه تعديل المزاج "المطعوج" لستة ملايين أردني - وانصياعاً لضريبة البنزين بأكتيه الشقيقتين"90" و "95" الذي كان يساهم "بتطيير الزعل" العائلي و"التفشيش" الشعبي.. فقد اتفقت مع جاري اللحام أن يقوم - على فضاويته - هذا المساء بقطع رأسي من المفصل وإلا تأخذه بي رأفة بتاتاً.. لأنني لم اعد بحاجة الى كرة المطاط الفارغة التي تقع بين كتفي المصطكتين.. لقد نضب المخ والمخيخ وكل انحناءات وطعجات "العقل" بعد عمليات الضخ الجائر للصبر والحكمة، والتفريغ المتعمّد من الإحساس والمزاج والكيف والتفكير وحشوه "بقطن البلادة" والانعدامية..

كما أوصيت جاري اللحام بوشوشة قصيرة: أن يقطع أذني قطع صغيرة: "راس عصفور" ويهديهما لأقرب جارة وحّامة أو قطّة "نفساء".. وذكّرته مرتين قبل ان اضع رأسي على خشبة التقطيع.. أن يفرم "انفي الكبير" على الماكنة الخشنة ويعزله في كيس منفصل "شغل تواصي".. وأن يقوم "بشلوطة" ما تبقى من شعر وزغب الوجه والحواجب على غاز 3 عيون.. و"معط" ما يلزم من الشوارب، ومن ثم لفّ الرأس الممعوط بورق "قصدير" وتقديمه "للجماعة"..

أما جسدي فأنا سأتكفّل بحمله الى اقرب ثلاجة عرض أدسّ نفسي بين زميلاتي المجمدات مع السمك مقطوع الرأس والدجاج المنظّف والمكتّف، والفرّي "المطوبز" وأكتب على صدري اللامع والمثلج "ذبح على الطريقة الحكومية"، وعلى قفاي سأكتب صالح للاستهلاك مدى الحياة من تاريخ ميلاده..



كلارك الاسد ....................

بسم الله الرحمن الرحيم

sami_yassein كتب:

كلارك الاسد كتب:

كلارك الاسد ....................

بسم الله الرحمن الرحيم

عمالي بشوف مجزرة حقيقيه
وكمان وبعد كل هالمعاناة اللي بقوم فيها الجزار يكتب صالح مدى الحياة من تاريخ ميلاده
وشو بضمنلي يكون صالح مدى الحياة
وكل هالتشنيع من اذن وانف وراس وتعليق جسد..من شان شو
من شان قهوه ومحروقات
يعني اتناسيتو كل شي وما تم الا القهوه والمحروقات
سياسات بتعرف تلهي الشعوب
الله يكون بالعون..وسلامة راسك اخي محمود

عزيزي واخي الغالي سامي
الله لايحرمنا منك ولا من طلتك الغاليه
النظر الى الابعاد يا غالي
مو بس القهوه والمحروقات كل شيء بيمس حياتنا والاساسيات
اخوك محمود

شكرا للمجهود الرائع والمميز

عطاء وابداع جميل

ننتظر المزيد